૩૨૦ હેક્ટર જમીન ધરાવતા આ ગડત ગામમાં અનાવિલ બ્રાહ્મણ, ઔદીછ્યા બ્રાહ્મણ, કોળી પટેલ, આહીર, પ્રજાપતિ, હરીજન, હળપતિ જેવી વિવિધ કોમો પરસ્પર ભાઈચારા થી રહે છે. આ ગામમાં શિક્ષણ નું પ્રમાણ ૭૦% થી વધુ છે. આ ગામના ડોકટરો, એન્જીનીયરો, વહીવટી અધિકારીઓ, શિક્ષકો વિગીરે ની સંખ્યા નોંધપાત્ર છે. દુનિયા ના ૧૪ થી વધુ દેશો માં ગડત ગામના વતનીઓ વસે છે અને જોવાની વાત તો એ છે કે હજી પણ તેઓ ની સાથે સંપર્ક જીવંત છે. ગામના મોટે ભાગના લોકો ગામ માં રહીનેજ શહેરો માં સર્વિસ કરે છે અને કેટલાકે ખેતીનેજ પોતાના વ્યવસાય રૂપે સ્વીકારી લીધો છે.