ગડત ગામ માં પંચાયત જેવી સરકારી સંસ્થા ઉપરાંત જાહેર કર્યો કરવા માટે વિકાસ સમ્તીત તથા ગ્રામ વિકાસ સમિતિ કાર્યરત છે. ગડત પંચાયતને ઉપક્રમે સરકારી મદદ, જન સહયોગ અને વ્યક્તિગત અંકિત દાનો દ્વારા અંદાજે રૂપિયા ૮ લાખ ના ખર્ચે વારિગૃહ ની યોજના સાકાર કરવામાં આવી છે. ગામ ના તમામ ઘરોને પાણી ની સુવિધા હાથવગી ઉપલબ્ધ છે.વિકાસ સમિતિ ના ઉપક્રમે પુર્નેશ્વર મંદિર નો જીર્ણોધ્ધાર, લાયબ્રેરી નું મકાન, પંચાયત કાર્યાલય, બેંક, પોસ્ટ ઓફીસ તથા શોપિંગ સેન્ટર બાંધવામાં આવ્યા છે. ગામને પાદરે આવેલું આ વિશાલ સંકુલ - વિચાર કાર્ય અને સહકાર ની ત્રિવેણીના પ્રતિક સમાન છે. આ ઉપરાંત એક અલગ સમિતિ દ્વારા અંબિકા નદી નાં કિનારે એક સ્મશાનગૃહ પણ તૈયાર કરવામાં આવ્યું છે.